فرانسیسی جوڑے کو اٹلی میں ساحل کی ریت اٹھانے پر گرفتار کر لیا گیا ، مگر کیوں ؟ ناقابل یقین انکشاف

لاہور (ویب ڈیسک) چوری کرنا ہر ملک میں جرم ہے اور اس کی سزا بھی ہے۔ مگر ریت کی چوری کرنے کا کنسپٹ کم سے کم پاکستان میں موجود نہیں، یہاں آپ کسی بھی شہر سے ریت اٹھا سکتے اور اپنے استعمال میں لے جا سکتے ہیں ہاں مگر کسی اور کی ریت نہیں اٹھانی

جس نے خرید رکھی ہو۔ تاہم سمندر یا دریا کی ریت آپ آسانی سے اٹھا سکتے ہیں، مگر یورپی ممالک میں سمندر کنارے سے ریت اٹھانا آسان کام نہیں۔ یورپی ملک اٹلی میں ایک جزیرے پر چھٹیاں منانے آنے والے جوڑے کو پولیس نے گرفتار کر لیا کیونکہ ان کی گاڑی سے 14 بوتلیں ریت سے بھری پکڑی گئیں۔ بحیرہ روم کے دوسرے بڑے جزیرے کا درجہ رکھنے والے ’سارادینا‘ کے ساحل پر چھٹیاں منانے والے جوڑے کو پولیس نے اس وقت گرفتار کیا جب پولیس نے انکی گاڑی میں ریت سے بھری 14 بوتلیں پکڑیں۔ جوڑا سارادینا کے سفید ریت کی دولت سے مالا مال جزیرے سے پلاسٹک کی 14 بوتلوں کے ذریعے ریت کو چوری کرکے منتقل کر رہا تھا کہ پولیس نے گرفتار کرلیا۔ یورپی ملک اٹلی کی ویب سائٹ کے مطابق حکام کوجزیرے کی پیٹرولنگ کے دوران ساحل سے ریت کی چوری کے نشانات ملے، جس کے بعد پولیس نے وہاں آئے سیاحوں کی گاڑیاں چیک کیں۔ پولیس کو چھٹیاں منانے کے لیے آنے والے فرانسیسی جوڑے کی گاڑی میں ریت سے بھری 14 بوتلیں ملیں جن میں جوڑا مجموعی طور پر 40 کلو ریت لے جا رہا تھا۔ پولیس نے جوڑے کو گرفتار کرکے عدالت میں پیش کردیا، جہاں ان کے خلاف ’ریت کی اسمگلنگ‘ کا مقدمہ چلایا جا رہا ہے۔ جوڑے کے خلاف 2017 کے ریت چوری کے آئین کے مطابق مقدمہ چلایا جا رہا ہے، جسکے تحت انہیں 3 ہزار امریکی ڈالر اور 6 سال تک جیل کی سزا ہوسکتی ہے۔گرفتاری کے بعد جوڑے نے پولیس اور

عدالت کو بتایا کہ علم نہیں تھا کہ ریت کو لے جا کر کوئی جرم کر رہے ہیں تاہم پولیس کے مطابق اگر انہیں علم نہیں تھا تو بھی انتظامیہ نے ساحل پر جگہ جگہ بورڈ آویزاں کر رکھے ہیں کہ ریت سمیت کسی بھی معدنیات کو لے جانا قانوناً جرم ہے۔ حکام کے مطابق سارادینا جزیرے پر آنے والے سیاح کئی سال سے یہاں سے ریت اور مٹی لے جاتے رہے ہیں جس وجہ سے اس خوبصورت ساحل کو موسمیاتی تبدیلیوں کا سامنا کرنا پڑ رہا ہے۔ عام طور پر سیاح یہاں سے یادگار یا تحفے کے طور پر ریت لے جاتے ہیں، تاہم حکام کے مطابق وہ اس ریت کو آن لائن ویب فروخت کرتے ہیں۔ حکام نے دعویٰ کیا کہ چوں کہ سارا دینا میں سونے اور چاندی کی معدنیات بہت ہیں اور خیال کیا جاتا ہے کہ ریت میں سونے اور چاندی کے ذرات شامل ہوتے ہیں، اس لیے یہاں کے ریت کی مانگ زیادہ ہے۔ دوسری جانب ایک خبر کے مطابق سعودی عرب میں سرپرست کی اجازت کے بغیر ایک ہی دن ایک صوبے سے 1ہزار خواتین نے بیرون ملک روانہ ہوکر تاریخ رقم کر دی، سعودی عرب نے رواں ماہ 2 اگست کو تاریخی فیصلہ کرتے ہوئے بالغ خواتین کو کسی مرد سرپرست کی اجازت کے بغیر بیرون ملک سفر کرنے کی اجازت دی تھی۔رواں ماہ کے شروع ہونے سے قبل سعودی عرب کی تمام خواتین کو کسی بھی طرح کے بیرون ملک سفر سے قبل اپنے سرپرست مرد کی اجازت درکار ہوتی تھی۔ سعودی عرب کی خواتین کو اگر علاج اور تعلیم کے لیے بھی بیرون ملک جانا پڑتا تھا تو بھی انہیں گھر کے کسی کفیل مرد یا سرپرست مرد کی اجازت درکار ہوتی تھی۔

اس خبر پر اپنی رائے کا اظہار کریں